موضوع: واقع التشــرُّد .. هل له حل .؟ الإثنين نوفمبر 16, 2009 3:21 am
مرحبا !! كيفكن ..؟ أنا جيت هلئ و بدي خبركن شو عم بيصير بالشوارع ... و بالحارات . و ما رح طول عليكن كتير بالحكي ..... اليوم كنت رايحة على الجامعة ... و مريت من جنب سوق الحميدية .. شفت القلعة و كتيير حبيت إدخل زورها ... المهم أنا و طالعة من القلعة .... وقفت شوي و كنت بتأمل الجو و عم بحلق بها (البسطات) يلي على الأرصفة .. و كلنا بنعرف قديش في بسطات حوالي سوق الحميدية ...
شفت الأولاد الصغار المشردين بيشحدو من هالناس ...
و فجأة وقعت عيني على ولد صغير نايم على الرصيف جانب البسطة تبعيتو ... كان بيبيع بسكويت جوز الهند و هيك شغلات ..... و كل شي ساويتو إني لاقيت حالي عم بمشي لعند هاد الولد النايم على الرصيف بدون ما حس...
وصلت لعندو و قلتلو ... : حبيبي ليش نايم هون على الرصيف قوم فيق ...!!!؟ الولد : ما حكى شي ... أنا : حبيبي شوبك ؟ تعبان !!؟ .. شو .. نعسان ..؟ الولد : إي تعبان كتير ... أنا : طيب لا تنام هون و تترك البسطة ... هلئ بيسرقوها الأولاد يلي بالشارع و بيسرقولك البسكويت ... الولد : كمان ماحكى شي ...!! أنا : طيب وين بيتك .. تعال آخدك على البيت ..مشان تنام و بترجع بتبيع بعد ما ترتاح ...؟؟
تخيلو شو جاوبني الولد الصغير ...!!؟ .................... الولد : بابا بيضربني !!!!! ..................... و لله هيك قال ... أنا قلتلو : ليش بيضربك .. شو بيشتغل أبوك حبيبي ..؟ قالي : بابا بينام كل يوم كتير و ما بيفيق بس بياكل و بينام و بيتفرج على تلفزيون !!!!! أنا : طيب إمك وين ؟....! الولد : ماما بتكال قتلة من بابا كمان ..!!! ........... صار الولد يبكي و ينوح قدامي .. يا حرام ... ... ,,: ::̣;; ̣'' ;;"";
بعد ما مسحت دموعو عن خدودو ... قلتلو ..طيب إنت جوعان ؟! جبلك خبز تاكل ..؟!! تخيلو شو قال ....!!!؟ الولد : أنا إذا اليوم ما بعت ب 700 (ليرة سوري) بسكويت .. بابا رح يضربني و يقلعني من البيت ...!!!!!! ..............................
أنا صرت إبكي بالشارع متل الأولاد الصغار .. لك يا جماعة تخيلو شو قالي الولد لما شافني عم ببكي عليه..؟ و الله رح تبكو إذا بتحسو بهالكلام ... قلي الولد : خالة لا تبكي ..عليي أنا ماني زعلان !!!!!!!!!!!!!!!!!!!!! !!!!!!!!!!!!!!!!!!!!!!!!!!........................ المهم ..اشتريت من الولد بسكويت ب 500( ليرة سوي) و الله ما كان معي غيرها .. والله اتمنيت اشحد من الناس 200 (ليرة) تانيين و أعطيه للولد و يرجع على البيت يرتاح... قلتلو : طيب أنا كل يوم بيجي لعندك لهون ماشي و بيشتري بسكويت منك .. اتفقنا ... صار الصغير يبتسم و كتير فرح .... يمكن لإنو لاقى صديق يحن عليه و يكون معو كل يوم....؟ ما بعرف ..!! ...........
........... لعمة على الآباء الظالمين يلي بيشغلو أطفالهن بالشوارع .... بتعرفو قديش حسيت حالي بلا ضمير و بلا نخوة و بلا إحساس لما مشيت و تركت ورايي هادا الطفل البريئ .... الطفل يلي بدون مدرسة و بلا مستقبل ...!!! يا جماعة ...؟ متل هادا الولد الصغير في الملايين ... ووراهن قصص فظيعة و بتخوف .... ..................................
.................................. بتمنى التفاعل يا أعضاء رحيل القمر ....؟؟ كل عضو رح يدخل يعطي رأيو و يعطي حل ... و بدون دموع . و بكي .. لإنو الدموع بهيك مواقف ما بتفيد بالمرة ...!!.. واقع التشرد .. هو واقع متردي موجود بمجتمعاتنا العربية بكثرة ....
رايانو ܤ صديق الروح ܤ
عدد المساهمات : 172 تاريخ التسجيل : 13/11/2009 العمر : 37
موضوع: رد: واقع التشــرُّد .. هل له حل .؟ الثلاثاء نوفمبر 17, 2009 9:21 pm
سما بجد دمعو عيوني لما قريت هالكلام الله يلعن كل اب بعامل ابنو هيك هدا حيوان مو انسان المهم ا نت ضلي صدسقتو لولد وبكرا انا بتعرف عليه شكرا الك سما على الموضوع
???? زائر
موضوع: رد: واقع التشــرُّد .. هل له حل .؟ الثلاثاء نوفمبر 17, 2009 11:23 pm
ܚܞ تسلم رايانو على مرورك الرائع لموضوعي و يلا الولد ما بيغير مكانو ^_^ مشان نصير رفقاتو انا و ياك